Nadawat na sa Butuan Muaythai Team ang Cash Incentives gikan sa Lokal nga Panggamhanan sa Butuan human sila nagmadaugon sa 2022 Muaythai National Championship Nobyembre miaging tuig didto sa Subic Bay Gym, Subic, Zambales. Ang insentibo ilawom na sa SP Resolution No. 341-2022 nga giduso ni SK Federation President Cynth Zephanee Nietes ug Konsehal Cromwell Nortega. Ang gold medal nagkantidad og 50,000 pesos, ang silver medal nagkatindad og 30,000 ug 20,000 pesos ang bronze medal. Daku ang kalipay sa mga bata lakip na sa ilang mga Coach/Trainer nga nadawat na ang ilang insentibo. Daku kini og tabang sa mga bata pag-abot sa ilang pinansyal ug mas ma-engganyo pa sa pagpaningkamot nga magmalampuson sa Muaythai. Hugtanong gisuportahan sa Lokal nga Panggamahanan sa Butuan pinaagi sa City Sports Office ang tanang sports aron madasig ang mga kabataan nga magmadaugon lakip nga maka-awhag og mga bata sa pag-apil og bisang unsa nga sports ug dili na madani sa mga bisyo.