Gipahigayon sa Butuan City ang 28th National Convention of the Vice Mayors League of the Philippines kun VMLP sa Almont Inland Resort J.C Aquino ning syudad nga nagsugod Abril dyes hangtud trese. Ang VMLP Convention gisalmutan sa mga vice mayor gikan sa lain- laing munisipalidad ug syudad sa tibook nasud nga nagdala sa temang Future-proofing the Local Legislature, Scaling Up Towards Smart Local Communities alang sa lig-on nga katuyuan nga pagpahayag sa mga isyu nga nakaapekto sa panggamhanan sa matag local government unit pinaagi sa managlahing area sa local legislators ug local governance. Sa welcome message ni Butuan City Vice Mayor Lawrence Fortun gipahayag niini ang importansya sa mga legislators o bise mayor sa usa ka local government unit nga magkahiusa sa paspas nga pagpanday og balaod uban sa nagkahiusang council aron mao ang ipasaka ngadto sa national alang sa paspas nga implementasyon. “Local legislatures have to be constantly proactive and innovative while we are trying continue to be relevant and responsive to the demands of the time without seating aside with the principles of transparency, inclusivity, efficiency and very important thing accountability.”Tipik sa mensahe ni Vice Mayor Lawrence Fortun. Mipahayag sab sa suporta si Mayor Ronnie Vicente Lagnada sa VMLP Convention ug nagpasalamat kini nga gipiling venue ang syudad sa Butuan tungod daku kining impact nga mapromote ang history, culture ug heritage sa syudad ngadto sa ubang dapit sa nasud. Garbo sab niining gipresentar ang mga long term big ticket projects nga gipatuman ug ipatuman pa sa syudad sa Butuan sama sa hapit nang mahuman nga Command Center, Agusan River Park and Marina Development, Butuan City South Market, upgrading sa Butuan Medical Center to Level III Hospital, umaabot nga development sa Masao Port ug uban pang nakalinyang programa ug proyekto alang sa daghang kalambuan sa syudad apil na ang pagdako sa pondo sa panudlanan sa gobyerno sa syudad sa Butuan. Kini gumikan sa paspas nga pagpanday og balaod sa Butuan Sangguniang Panlungsod sa pagdumala ni Vice Mayor Fortun.