Malampusong napahigayon sa Philippine Obstetrics and Gynecological Society kon POGS Region 10 - Northern Mindanao Chapter ang gipahigayong Gynecological Medical-Surgical Mission ngadto na sa mga nagkadaiyang ospital sa Northern Mindanao. Miabot sa 23 ka mga kababayen-an ang na operahan sa gipahigayong dungan nga surgical-mission. Sa MJ Santos Hospital, Butuan Medical Center ug Agusan del Norte Provincial Hospital tag lima ang na operahan. Samtang sa Urbiztondo Hospital ug Caraga Regional Hosptal tag upat ka kaso ang naoperahan. Base sa POGS, ang kaso nga ilang gi-operahan ang mga adunay problema sa matres sama sa myoma, vaginal prolapse, ug uban pa. Ang mga admitted na nga mga kababayen-an sa ospital ang mga naka benepisyo, gi-discharge para sa surgical-mission, ug miagi sa OPD nga nakita nga dunay problema gynecologically. Matag tuig gapahigayon ang POGS og Medical-Surgical Mission. Tumong niini nga kalihukan ang paghatod og essential obstetric ug gynecological services ngadto sa mga komunidad nga limitado ang access sa healthcare. "Yes, annualy to help the women, ilang mga problems, labi na financially constraint, so we help them we do surgical-mission. Daku kaayo sila og tabang sa katawhan not only in Butuan City but all in Mindanao kay some gina-antos nalang nila kay wala silay bayad pang opera,” sumala ni Dr. Dorothy Joy P. Macuno, OBGYN sa BMC. Gipaabot usab sa Butuan Medical Center kauban ang Agusan del Norte Provincial Hospital nga abli ang ospital sa mga pasyente nga gusto mopasusi sa ilang estado ug mamahimong muadto sa OPD sa ospital aron ma assist kung ang pasyente ba candidate for operation. Mipasalig sab ang BMC nga padayon sila nga mag-provide og essential nga obstetric and gynecological services sa komunidad ug nag-suporta kini sa commitment sa pag uswag sa healthcare accessibility. Ang surgical-mission gipangunahan nila Dr. Diane Maurise Flores, Dr. Dorothy Joy P. Macuno, Dr. Ivy Virtudez, Dr. Lovelina Escobia, Dr. January Jayoma, Dr. Ivy Diagmel, Dr. Nora Calamba, ug ni Dr. Sher Noble kauban ang mga nurses nga sila Ubaldo P.Pino Jr, Alger L. Peggy, Nelisa N. Torrecampo, Alona G. Carampatana, Kharmela Czaren L. Hibaya, Sheila S. Yasay, Lina N. Valdez, Joel C. Pontimar, ug ni Cristopher B. Piloton.