Mipasar ang 23 ka Butuanong Vegetable Farmers ug mga indibidwal nga planong mu-abroad sa tulo ka adlaw nga Assessment kabahin sa Produce Organic Vegetables Leading to Organic Agriculture Production NC II sa TESDA. Kini gipahigayon sa EM Nature Farm sa Barangay Dulag ning syudad, Septyembre 27-29. Miagi una sa onse ka adlaw nga pagbansay kabahin sa organic production sa vegetables asa nahimong trainor ang mga personahe gikan sa City Agriculture Office dayon gipailawom kini sa assessment. Ang programa kabahin sa Training for Work Scholarship Program kun TWSP sa TESDA asa nakabenipisyo ang mga Scholars nga produkto usab sa Butuan City Integrated Diversified Organic Farm sa lokal nga panggamhanan sa Butuan nga nahimutang sa Barangay Pigdaulan ning syudad nga gidumala sa City Agriculture Office ug suportado ni Mayor Ronnie Vicente Lagnada. Gihimo ang assessment aron mapakusgan na ang pagtanum og organikong pamaagi alang sa mas himsog nga katawhan ug dakbayan sa Butuan ug matabangan ang mga Butuanong buot mu-abroad gamit ang nakat-unan sa training. Human sa pagbansay midawat usab og cash allowance gikan sa TESDA ang mga scholars. Gipaningkamutan ni Mayor Lagnada nga magpadayon ang partnership sa LGU Butuan tali na TESDA aron padayong masuportahan ang mga mag-uuma ilabina sa hisgutanang technical.