Aktibong mituon ug misalmot sa pagbansay ang 23 ka Butuanon Farmers mahitungod na sa Goat Production ug Management nga gipahigayon sa Barangay Dumalagan ning syudad, miaging semana. Gibansay dinhi ang mga mag-uuma sa practical skills sama sa insaktong pag atiman sa kanding, breeding practices, health management apil na ang epektibong feeding strategies. Kini nga inisyatibo gipangunahan sa City Government sa Butuan pinaagi sa City Agriculture and Veterinary Department nga nagtinguha sa pag-empower sa mga farmers ug pagpadako sa goat production o local livestock industry alang sa food security sa dakbayan sa Butuan.