Nakalampos na ang 20 ka indibidwal nga benepisyaryo sa Shielded Metal Arc Welding (SMAW) NC I nga pagbansay pinaagi sa Butuan City Manpower Training Center kon BCMTC. Gipasidunggan sila sa ilang kalampusan pinaagi sa gihatag nga Certificate of Completion human sila miagi sa 37 ka adlaw nga pagbansay. Ang pagbansay ilawom sa Special Training for Employment Program kon STEP nga gitagana sa TESDA ngadto na sa BCMTC nga maoy nag implementar sa nasangpit nga pagbansay. Dako ang pasalamat sa mga benepisyaryo tungod makatabang na ang skills nga ilang nakat-unan sa pagpangita og trabaho nga makatabang sa ilang kaugalingon ug labi na sa ilang pamilya. Panawagan sa BCMTC sa mga buot magpa enroll sa pag bansay nga muadto sa buhatan sa BCMTC sa may DOP Building, Barangay Tiniwisan, ning syudad o di kaha tawag sa numero 09306383901 alang sa dugang impormasyon bahin sa gusto mo avail sa libre nga mga training. Gitimbaya ni Butuan City Mayor Ronnie Vicente Lagnada ang mga nakalampos nga mga indibidwal ilawom sa mga pagbansay.