Miabot sa 209 ka indibidwal ang nakabenepisyo sa City Civil Registry Department kun CCRD pinaagi sa ilang Mobile Birth Registration sa Barangay Taligaman ning syudad. Ang Mobile Birth Registration usa ka paagi aron mabisita ang mga lagyong dapit sa syudad ug mahatagan ang mga lumulupyo didto og tiyansa nga makaparehistro nga dili na kinahanglan moadto pa sa buhatan sa CCRD. Ang aktibidad subay sa kasaulugan sa Civil Registration Month ning bulana.