Nidagsa ang mga job seekers sa SM City Butuan Event Center sa natigayong Kalayaan Job Fair kagahapon. 4000 job vacancies ang giablihan atol sa aktibidad gikan sa lain-laing business companies ug establisamento sa tibook rehiyon Caraga asa 206 ang hired on the spot. Usa na niini ang 26 anyos nga si Eddie Pitao Mollanida Jr. nga taga Barangay Bit-os ning syudad nga nahire isip delivery man sa Happy Enterprise. Daku ang pasalamat ni Mollanida tungod nakuha niya ang iyang gusto nga trabaho tungod mao sab kini ang iyang trabaho kaniadto sa kauluhan. “Daku akong pasalamat nga nahire ko karon nga adlaw, daku kaayo ning tabang sa ako”. sumala ni Eddie Mollanida Jr. Samtang nagpahigayon usab og one stop shop services ang mga buhatan nga gilangkuban sa SSS, Philhealth, Pag-ibig, TESDA, NBI ug uban pa. Gilauman sa lokal nga panggamhanan sa Butuan nga daghan ang matabangan sa natigayong job fair ilabina ang mga Butuanon nga dugay-dugay nang nangita og maayong trabaho. Ang Kalayaan Job Fair gipangunahan sa Department of Labor and Employment kun DOLE Caraga pinaagi ni Atty. Joffrey Suyao, CESO III Regional Director DOLE Caraga, National Historical Commission of the Philippines uban sa DTI Caraga, SSS, SM City Butuan ug LGU Butuan pinaagi ni Mayor Ronnie Vicente Lagnada nga girepresentahan ni City Councilor Arturo Gado ug Public Employment Service Office kun PESO.