Gisugdan na ang pagpahigayon sa 2nd Quarter 2024 Butuan City Development Council Sectoral Working Committee Meeting nga natigayon sa VCDU Grand Convention Hall Barangay Villa Kananga ning syudad sa Butuan. Ang duha ka sektor gilangkuban sa Economic Development Sector ug Environment Development Sector nga nagpakita sa tagsa-tagsang Annual Investment Program AIP sa tuig 2025. Gisalmutan sab kini sa mga partners barangay, Civil Society Organizations ug pipila sa mga buhatan sa lokal nga panggamhanan sa Butuan ilawom sa mga nasangpit nga sektor. Sa economic sector, usa sa gitutukan sa City Agricultural and Veterinary Department ang center of excellence in agriculture, fishery ug agro-forestry, knowledge, technology, learning and development. Pag establesar sa Regional Trading Center isip Agri-business Corridor. Pagsuporta sa pag-establesar sa Butuan Logistics Network (Farm-to-markets roads, Seaport ug Airport) ug uban pa. Sa City Business Permit and Licensing Department naka sentro sa pagpatuman sa Full Automation sa Business Permitting and Licensing. Sa City Economic Business Development Department usa sa gitutukan niini ang pagporma sa Local Poverty Reduction Action Plan, pagporma sa NMSME Development Plan, Revenue Generation Programs ug Services, Digitalization Plan ug uban pa. Ang City Employment Services Department nakasentro kini sa Localization/Replication sa Special Programs for Employment sa mga estudyante. Ug ang City Tourism and Cultural Affairs Department nakasentro kini sa Annual Culture and Arts Development Plan, pagpalambu sa Heritage parks, mountains parks, river parks ug uban pa. Atol sa meeting anaa usab ang presensya sa Caraga Regional Development Council alang sa pag kuha sa aprobal kabahin sa Resoution no. 9-B, Series of 2024 nga nagrequest sa Department of Tourism DOT Caraga ug Public Transportation Agencies/Offices to facilitate ug pagtugot sa Provincial/Local Government Units LGU sa Caraga Region to exhibit Tourism Promotional Videos sa Airport ug Seaport Passengers Terminals, Roll-on/Roll-off (RORO) ships. Passenger vessels/boats, bus terminal, buses and tourism related establishment (TRE) free of charge. Samtang sa Environment Sector ang City Disaster Risk Reduction and Management Department ang Local Climate Change Action Plan, Local Risk Reduction Management Plan ug uban pa ang gititutukan niini. Ug ang City Environment and Natural Resources Department usa sab sa gitutukan niini ang Deklarasyon sa Local Conservation Area (Wetland sa Barangay Pagatpatan ug Isla sa Noah sa Barangay Lumbocan), Revision sa Butuan City Water Code Ordinance (Water Resource Management and Protection) ug uban pa. Ang pagpahigayon sa quarterly sectoral meeting usa sa paagi sa consultation process aron masayran sa sektor ang padulngan ug aron usab masayran ang focus sa comprehensive plan sa tuig 2026 hangtud tuig 2031 niini pinaagi sa paghimo sa medium term plan nga nagsunod sa annual investment plan. Ang Economic Sector gipangunahan ni Engr. Pierre Anthony D. Joven Chairperson uban ni Christina Hemady Arcillas, Vice Chairperson ug City Planning Development Department CPDD isip secretariat. Samtang sa Environment Sector gipangunahan ni For. Jess Ivan Saburao Chairperson uban ni Datu Robinson Dapiniagan, Vice Chairperson ug CPDD isip secretariat nga hugtanung gisuportahan ni Mayor Ronnie Vicente Lagnada alang sa paghan-ay sa plano padulong sa mas progresibong dakbayan sa Butuan. Atol sa aktibidad giaprobahan sa mga myembro sa matag sektor ang gipakitang AIP 2025.Samtang nakatakda na usab ang 2nd Quarter 2024 BCDC Sectoral Working Committee Meeting sa ubang sector nga naglangkub sa social, infrastructure ug institutional.