Nadugangan na usab ang mga Butuanong nakabenipisyo sa Ayuda sa Kapos ang Kita Program kun AKAP cash assistance. Kini sa paningkamot ni Congressman Jose Aquino ll katambayayung ang Department of Social Welfare Development DSWD aron matabangan ang katawhan sa pang adlaw-adlaw nga kinahanglan labi na ang mga ginikanan nga mikita lamang sa minimum wage o low income ug dunay mga anak nga nagtungha gumikan sa pagtaas sa presyo sa mga pamaliton. Sumala pa ni Punong Barangay sa Golden Ribbon Juby Ignacio Delgado nga sukad sa 13 ka tuig sa iyang pagpanerbisyo sa barangay karon pa niini nasinati ang dakong programa nga direktang miabot ug nakabenipisyo sa bagang duot sa katawhan tungod sa paningkamot ni Congressman Aquino aron makakuha og dakong pondo sa programa ngadto sa national government.