Mikumpirma ang deysi otso ka mga local companies nga mo partisipar sa ipahigayong Job Fair karong Pebrero 22, adlawng Huwebes sa SM City Butuan. Kini base na sa record sa City Employment Service Department. Magsugod ang Job Fair sa alas otso sa buntag hangtud alas singko sa hapon. Magdala lang og updated resume ug application letter kung ugaling mo apil sa Job Fair. Kauban sa City Employment Service Department ang The Rotary Club of Butuan District 3860 ug Department of Labor and Employment kun DOLE sa aktibidad. Gawas sa Job Fair aduna sab consultation for training sa Butuan City Manpower alang sa mga tao nga nanginahanglan og mga training. Gi-awhag ni CESD Acting Department Head Daisy Mala ang mga nangita og trabaho sa pag-apil sa Job Fair karong Huwebes, Pebrero 22.