Malampusong mipasundayag ang 16 nga kandidata sa 2023 Mutya Hong Butuan sa tagsa-tagsang talento asa makita ang mga kinaiyanhon nga potensyal sa mga kababayen-an nga gihatagan sa kagahum nga masaksihan sa publiko. Nagsagul ang gibati sa mga nakasaksi sa maong pasundayag gumikan gipakita sa mga kandidata ang selebrasyon nga abunda ang syudad sa rekursos naturales, kultura ug tradisyon ug ang malungtaron nga panan-aw ug lig-on nga pagtuo sa tagsa-tagsang abilidad. Si Mutya 1 Aaliyah Princess Soberano nagpasundayag og usa ka Contemporary Sing and Dance pinaagi sa usa ka Original Song nga Tingog sa kagahapon. Si Mutya 2 Hazel Anne Montilla mipakita og usa ka Cultural Dance sa kinabuhi sa usa ka Manobo. Modern Dance sab ang gipakita ni Mutya 3 Kristine Cagadas. Si Mutya 4 Shayne Khietly Mellijor mipakita og Sing and Contemporary Dance nga inspired sa Disney’s Raya ug The Last Dragon Movie. Latin ug Cha-Cha ballroom dance sab ang gipakita ni Mutya 5 Rina Andrea Calo. Usa ka Interpretative Pole Dancing ug Singing Empowerment ang gipakita ni Mutya 6 Sharenbelluz Briones. Si Mutya 7 Mary-ann Pomoy mipasundayag og Woman Empowerment Song. Usa ka Ethnic Song nga gitituluhang Itadyak ang gipasundayag ni Mutya 8 Ingrid Louise Alpahando. Gipasundayag ni Mutya 9 Jessa Mae Paring ang fertility dance asa usa ka klase sa pag-ampo sa mga nangandoy nga magkaanak, makakitag asawa o bana, ug makabaton ug maayong kapalaran. Mensahe sa Women Empowerment ug kalinaw sa Mindanao ang unod sa kanta ni Mutya 10 Martina Dela Rama. Samtang usa ka Manobo Dance sa pagpromote sa Sustainable Farming ang gipakita ni Mutya 11 Ruby Grace Diones, Spoken Poetry kang Mutya 12 Arjean Egay, ug sayaw nga Saedow Tu Manobo ang gipasundayag ni Mutya 13 Julyka Plaza. Si Mutya 14 Danielle Nichole Jabonero mipakita sa iyang Lapaknon Neo Ethnic Cultural Dance, Manobo Cultural Dance sab ang gipasundayag ni Mutya 15 Ashlee Dumalaon ug Spray Painting kang Mutya 16 Chenie Moreno. Ang nasangpit nga mga pasundayag basehan sa mga hurado sa iproklamang Best in Talent nga in anunsyo atol sa Coronation night sa Mayo 17, adlawng Miyerkules.