Gisaksihan sa mga punong barangay sa syudad sa Butuan, Department Heads ug mga empleyado sa LGU Butuan, stakeholders, media partners ug uban pang bisita ang usa ka komprehensibong Terminal Report nga gipahigayon sa 16th Sangguniang Panlungsod sa pagdumala ni Butuan City Mayor Lawrence H. Fortun pinaagi sa SPEAKS Empowerment, Advocacy, Knowledge, Services second edition media forum. Unang gipasabot ni Vice Mayor Fortun ang katuyuan sa RACE 16:16 o ang Rationalization and Reorganization, Advancement of Legislative Oversight, Codification of Ordinances ug Sanggunian asa nagsumikad ang 16 codes. Usa-usa nga gipresentar ni Vice Mayor Fortun ang 16 codes sa Butuan City nga naaprobahan ug ang mga principal author niini nga gilangkuban: 1.General Ordinances Code ni City Cromwell Nortega 2.Revised Watershed Code ni City Councilor Victor Plaza 3. Smart Eco Gender and Development Code ni City Cherry May Busa kini ang pinaka-unang code sa nasud 4.Transportation and Traffic Management Code ni City Councilor Vincent Rizal Rosario ug City Councilor Ferdinand Nalcot 5.Local Building Code ni City Councilor Rey Desiata 6.Tourism Code ni City Coucilor Eduardo Gonzalez 7.Revised Sanitation Code ni City Councilor Eduardo Gonzalez 8.Butuan City Children and Youth Welfare and Development Code ni City Councilor Cherry May Busa ug SK Federation President Joseph Manuel Morcilla 9.Franchise Code ni City Councilor John Gil Unay 10. Revenue Code ni City Councilor John Gil Unay 11. Ecological Solid Waste Management Code ni City Councilor Victor Plaza 12.Urban Design Code ni City Councilor Rey Desiata 13. Science and Technology Innovation and Information and Communication Technology Code ni City Councilor Cherry May Busa 14.People Empowerment Code ni City Councilor Cromwell Nortega 15. Environment Code ni City Councilor Victor Plaza ug Cromwell Nortega 16.Investment and Incentives Code ni Joseph Omar Andaya Ang 16 codes sa Butuan City mao ang mamahimong komprehensibong balaod sa mga operations sa syudad aron daling matubag ang mga panginahanglan sa komunidad ug magsilbi sab kining centralized reference point sa lig-on nga pagpatuman sa balaod sa syudad sa Butuan. Ang mga kabag-uhan sa sistima sa mga buhatan sa LGU Butuan asa usa sa prayoridad ni Mayor Ronnie Vicente Lagnada nagsumikad sa 30 Reorganization Ordinances ni City Councilor Ehrnest John Sanchez nga gipresentar usab ni VM Fortun. Nahimong kuti ug strikto ang pagpanday sa 16 codes nga nahimong malampuson gumikan sa hiniusang pwersa sa Sangguniang Panlungsod members, mga nagpaluyong legal team,researchers, legislative staff, Technical Working Group nga gilangkuban sa mga partner agencies, organizations ug LGU Butuan employees ug sa nakuhang mga ideas ug best practices sa natigayong initiatives bench marking sa ubang LGUs. Gipresentar sab ni VM Fortun ang SP Website o ang sp.butuan.gov.ph asa dinhi makita ang mga aktibidad sa SP Butuan ug ang mga naaprobahan nga ordinansa ug resolusyon ug mismong mga gipatumang ordinansa sa syudad sa Butuan. Sa ingon usa sab kin inga paagi aron dali ma-access ang database o local laws. Gawas sa 16 codes nga kalampusan sa 16th Sangguniang Panlungsod garbong gipadayag ni VM Fortun nga miabot sa 577ordinances ug 1,813 resolusyon ang naaprobahan sa hiniusang pwersa sa SP. Sa pagtapos sa terminal report gipahigayon sab ang awarding ceremony sa mga miyembro sa Sanguniang Panlungsod. Mipaabot sab sa pasalamat ang 16th SP sa SM City Butuan nga nahimong kapartner ug kabahin sa tibook journey sa mga presentasyon sa 16 codes sa syudad sa Butuan.