Dungan nga nag tanom og mangroves ang 45 ka pares didto sa Barangay Babag ning syudad. Ang 45 ka pares makabenipisyo sa ipahigayon nga Kasal ngani Butuan karong Agosto 1 atol sa kasaulogan sa Adlaw Hong Butuan. Mapasalamaton ang Barangay Council sa Barangay Babag tungod napili ang ilang Barangay nga matamnan og mangroves. Daku na kini og tabang sa yuta labi pa nga wetland ang lugar. Gawas sa tree planting, duna sab natigayong photoshoot sa mga paresan para duna silay remembrance sa ilang preparasyon sa kasal. Ang Lokal nga Panggamhanan sa Butuan sa pagpanguna ni Mayor Ronnie Vicente Lagnada pinaagi sa City Civil Registrar Office padayon nga naghatag og libre nga kasal sa mga dugay nang nag ipon aron mahimung legal na ang ilang panag-uban.