Nagpakita og dakung suporta ang 16th Sangguniang Panlungsod sa Cinema Rehiyon Turnover and Launching sa Cityhall Lobby, ning syudad miaging semana. Tema sa Cinema Rehiyon ang 'Balangay: Paglawig Ngadto Mga Rehiyon Hong Salidang Pilipino'. Sumala ni Konsehal Eduardo Gonzalez kini nagpasabot nga sa pag lawig sa Balangay sa managlahing rehiyon, makita ang managlahing kultura, tradisyon ug kasaysayan nga pwedeng mamahimo nga inspirasyon sa pagbuhat og usa ka maanindot nga pelikula. Samtang gi-awhag sab ni Konsehal Cherry May Busa ang katawhan sa pag welcome sa managlahing film nga ipakita pinaagi sa Cinema Rehiyon ug sa kani nga lakang masuportahan ang mga filmmakers sa syudad. Ang pag host sa syudad sa Butuan sa umaabot nga 17th Cinema Rehiyon usa ka dakung hagit apan sigurohon sa Lokal nga Panggamhanan sa Butuan nga mahimo kining malampuson para sa kaayuhan sa mga local filmmakers, first timers, ug sa kinatibuk-an nga industriya sa film.