Miapil ang sobra gatos nga mga mabdos sa syudad sa natigayong Buntis Congress 2023 sa Barangay Tandang Sora, adlawang Martes. Nagtanyag sa Lecture on Safe Motherhood, Family Planning and Responsible Parenthood, Philhealth Benefits Orientation, Dental ug Medical Services, Libreng Prenatal Check-up, ug pagpang apud-apod og Buntis Kits kanila. Ang kalihukan agig pagsaulog sa National Women’s Month asa aktibo kining gi apilan sa upat ka Main Health District sa syudad aron na sa paghatud og serbisyo sa mga buntis sa syudad. Ang programa ilawom sa Safe Motherhood Program sa City Health Office nga usa sa mandato ni Butuan City Mayor Ronnie Vicente Lagnada. Pinaagi niini, mapahibalo sa mga inahan ang angay nga buhaton aron luwas ug himsog ang pag mabdos ug paggawas sa bata. Daku ang suporta nga gihatag ni Konsehal Eduardo Gonzalez isip Chairperson sa Committee on Health asa mipaabot og mensahe nga magpadayon ang ilang komitiba nga mag lantaw sa kaayuhan sa tanang residente sa syudad. Ang Buntis Congress 2023 hatud sa Department of Health Center for Health Development - Caraga kauban ang Butuan City Health Office.