Gibansay pinaagi sa Traffic Management Academy ang mga traffic enforcers sa dakbayan sa Butuan unang semana sa Pebrero. Nagkadaiyang mga aktibidad ang gi-andam sa City Transportation and Traffic and Management Development sa Traffic Management Academy aron mas mahanas kini sa pagdumala sa trapiko, city traffic rules ug regulation, technical skills sama sa traffic control ug procedures pinaagi sa saktong pagamit sa enforcement tools, professional development sa communication ug leadership skills, ethical conduct ug community engagement ug uban pa. Gibansay sab sila mahitungod na sa mga bag-ong inobasyon ug inisyatibo sa pagdumala sa traffic flow. Gidasig sab ang tanan nga tun-an ang maayong pamatasan nga labaw’ng gikinahanglan sa ilang tagsa-tagsang tahas aron magpabilin ang pagsalig kanila sa komunidad. “Ang traffic management is a critical aspects of ensuring the smooth flow of life in our city. Ang TMA is not just managing traffic its about building a safer more vibrant and livable city for all. We are confident that this initiative will have a significant positive impact on the lives of our residents and future of Butuan City,” sumala pa ni CTTMD Head Maria Kristina Cassion Gipakusgan sa lokal nga panggamhanan sa Butuan ang Traffic Management Academy alang sa pagpalambo sa public safety ug aron sab ma-equip ang mga enforcer alang sa kinahanglang skills ug kahibalo aron daling matubag ang mga traffic violations.