Malampusong napahigayon ang duha ka adlaw nga 12th Balangay Football Festival sa may Polysports Complex, Barangay Tiniwisan, ning syudad, miaging weekend. Gikan sa mga managlahing syudad ug munisipalidad ang mga misalmot sa kalihukan nga gilangkuban sa mga Football Clubs sa Iligan City, Cagayan De Oro, Bukidnon, Davao, Surigao Del Sur, Surigao Del Norte, Agusan Del Norte, ug Agusan Del Sur. Karong tuig anaa sa 150 ka teams ug anaa sa kapin 1,500 ka indibidwal gikan sa managlahing bahin sa Mindanao ang misalmot sa 12th Balangay Football Festival. Ang Champion sa managlahing category sa 12th Balangay Football Festival sa 35 Up mao ang DATRC FC; sa 45 Up daug ang Santos FC; sa Men’s Open nakuha sa FC Villa; sa U8 Mixed champion ang PCFC; sa U10 Mixed daug ang Manolo United FC; sa U11 Mixed nakuha sa Tean Uno Dragons; ang category U13 Boys nakuha sa Invictus FC; sa U14 Boys daug ang Manolo United FC; sa U15 champion ang Manolo United FC; sa U18 Boys champion ang FC Villa; sa U18 Girls daug ang VNHS Futsal Team; ug sa Women’s Open champion ang Xavier Ateneo FT. Gidawat sa mga mananaug ang Plaque ug tagsa ka medals isip pag ila sa ilang kadaugan ug dedikasyon sa dulang football. Atol sa kalihukan gisiguro ang luwas nga dula para sa tanan labina kay nakasinati sa kainit sa panahon. Anaa ang presensya sa mga personahe sa City Disaster Risk Reduction and Management Department, Special CAFGU Active Auxiliary kon SCAA, ug Butuan City Police Office. Gipangunahan sa Butuan-Agusan Norte Football Association kun BANFA katambayayong ang lokal nga pangamhanan pinaagi sa opisina ni Vice Mayor Lawrence Fortun.