Lain na usab nga batch sa mga Butuanon ang nakabenepisyo sa programang TUPAD sa pagpanguna sa Congressmans Office pinaagi ni Congressman Jose Aquino II uban sa DOLE Caraga. Nadawat na ning bag-o sa 1,081 ka Butuanon gikan sa 38 ka barangay sa syudad sa Butuan ang 5,250 pesos matag usa. Kini human nagtrabaho sa barangay sulod sa 15 ka adlaw. Subay niini, nagpasalamat si Congressman Aquino sa National Government nga anaa kanunay ug andam muhatag og suporta sa mga Butuanong nagkinahanglan og tabang aron makasugakod sa pang adlaw-adlaw nga kinahanglan sa pamilya ilabina kadtong mga nawad-an og panginabuhian. Nahibaloang anaa na sa ika-singkwentay uno ang natigayong payout sa nasangpit nga ahensya sukad sa paglingkod ni Congressman Aquino sa opisina. Anaa na usab sa 33,623 ang kinatibuk-ang ihap sa mga Butuanong nakabenipisyo sa programang TUPAD sa DOLE ug AICS sa DSWD.