Daghan sa mga aplikante ang Hired on the Spot kun HOTS atol sa natigayong JOB FAIR sa Gaisano Mall, Agosto 2. Base sa tala sa Public Employment and Service Office kun PESO anaa sa 101 ka aplikante ang hired on the spot. Usa sa hired on the spot si Jozelle Galo nga taga Barangay Mahogany ning syudad. Nangaplay siya sa SM Supermarket isip Sales Clerk ug daku iyang kalipay dihang na hired on the spot siya. Mapasalamaton siya sa oportunidad nga gihatag sa Lokal nga Panggamhanan sa Butuan katambayayong ang Department of Labor and Employment kun DOLE sa aktibidad nga gipahigayon tungod dako na kining tabang sa mga nangita og trabaho sama niya. Ang aktibidad gipahigayon atol sa 73rd Adlaw Hong Butuan niadtong Agosto 2, nga hugot nga gisuportahan ni Mayor Ronnie Vicente Lagnada para makabaton og trabaho ang mga residente sa Butuan.