Mitambong ang 100 ka mga batan-ong atleta sa gipahigayong Send-off Activity sa City Hall Lobby, Disyembre 11. Ang 100 ka mga atleta misalmot sa Batang Pinoy ug Philippine National Games sa kauluhan. 61 ang representante sa Batang Pinoy samtang 31 niini sa Philippine National Games. Mahinungdanon kini nga kalihukan tungod mahatagan ang mga kabataan nga nag edad 18 anyos pataas og exposure sa natad sa isports lakip nga mag silbi nga ground sa mga dunay potensyal sa national ug international competition. Ang Send Off Activity gipangunahan sa City Sports Office pinaagi kang Rosalito Libres sa pakigtambayayong sa Department of Education, Department of Interior and Local Government, mga Barangay ug uban pa.