ππ¦π§ πππππ‘πππ¬ ππ¨πππ‘ππ₯π¬ πππππππ‘ππ, π ππππ π£π¨π¦π’π‘π π‘ππ£ππππππ¬π’π‘
May 08 2025, Thursday 07:03 PM
Gidawat sa siyam ka establisamento ang hagit isip partisipante sa 1st Balangay Culinary Challenge nga gipahigayon sa South Atrium, Robinsonβs Place Butuan.
Dunay duha ka kategorya ang challenge nga gilangkuban sa Vegetable Dish Category ug Main Dish Category.
Hagit usab kanila nga wala sila kahibalo sa ingredients nga gamiton sa ilang pagluto hilabina sa main dish. Surprise ug on-the spot tanan para sa mga partisipante ug duna lamang silay duha ka oras sa pagluto.
Ang siyam ka partisipante gilangkuban sa Mauro Carenderia, Ferryphoebe and Aligue, Angkol Bammz Pares ATBP, Homer Catering Services, TLG DOS, Bluechef Global Academy, Lime and Zest Kitchen, Pares Ta, ug Natad ni Olympia.
Sa Vegetable Dish Category, 1st Place ang Pares Ta nga nakadawat og 15,000 pesos; 2nd Place ang Natad ni Olympia nga nakakuha og 10,000 pesos; ug 3rd Place ang Bluechef Global Academy nga nakadawat og 7,500 pesos.
Duna sab Special Awards nga nadawat ang pipila ka partisipante. Plate Perfection Award ug cash nga 5,000 pesos ang nadawat sa Natad ni Olympia; Culinary Innovator Award ug cash prize nga 5,000 pesos ang nadawat sa FerryPhoebe and Aligue ug TLG DOS nga miuli sab og tag 5,000 pesos; ug Local Flavor Champion Award ang Pares Ta nga nakadawat og 5,000 pesos.
Sa Main Dish Category, 1st Place ang FerryPhoebe and Alegue nga nakakuha og 15,000 pesos; 2nd Place ang Bluechef Global Academy nga nakadawat og 10,000 pesos; ug 3rd Place ang Lime and Zest Kitchen nga miuli og 7,500 pesos.
Sa Special Awards sa Main Dish Category daug sa Plate Perfection Award ang TLG DOS nga nakakuha og 5,000 pesos; Culinary Innovator Award ang Bluechef Global Academy ug Mauro Carenderia nga nakadawat og tag 5,000 pesos; ug Local Flavor Champion Award ang FerryPhoebe and Aligue nga naa sab 5,000 pesos.
Gikalipay sa mga partisipante ang higayon nga gihatag kanila aron ma showcase ang culinary talents sa mga butuanon.
Gipangunahan sa City Agriculture and Veterinary Department kon CAVD ang kalihukan. Alang nila dali na lamang ang proseso tungod sa kompetisyon nga ilang gipahigayon sa miaging mga tuig pinaagi sa AGRIBOOST. Mipasalig sab ang CAVD Department Head nga si Engr. Pierre Anthony Joven mas mapalambo pa ang Balangay Culinary Challenge sa sunod nga mga tuig.