Nadasig nga mag-uma ang kanhi Construction Worker nga si 𝗝𝗲𝗿𝗼𝗺𝗮𝗿 𝗟𝗮𝗯𝗮𝘄𝗮𝗻 taga Barangay Pianing ning syudad. Apan tungod buot niining mahibaluan ang ubang pamaagi sa maayong pag-uma nadasig sab kining mosalmot sa 𝙁𝙖𝙧𝙢𝙚𝙧𝙨 𝙁𝙞𝙚𝙡𝙙 𝙎𝙘𝙝𝙤𝙤𝙡 kun FFS nga gipahigayon sa lokal nga panggamhanan sa Butuan pinaagi sa City Agriculture Office. Daghan siyag nahibaluan og magamit niya aron mapalambo ang pag uma. Sa duha ka tuig kapin niining pag -uma daghan na kining nasinatian nga kapildihan tungod sa pabag-o bag-o nga panahon ug wala na-insakto ang pagdumala sa tanum apan wala kini nahimung babag kaniya. Hinuon mas nadasig kini tungod alang niya sukad nag-uma kini dili na mawad-an og pagkaon iyang pamilya ug duna nay income pirmi bisan ginagmay gumikan makabaligya na kini sa iyang abot sa uma. Dakung tabang kang Labawan ang pag-uma rason nga mipasalig kining mo supply og kalabasa ug opo sa agrihub facility.