Nakigsaulog ang mga personahe sa Butuan Medical Center kon BMC sa World Patient Safety Day pinaagi sa pagpahigayon og symbolic lighting ceremony. Gipasiga usab og orange nga kolor ang usa ka bahin sa building sa ospital isip commitment sa mga personahe sa ka importante sa kaluwasan sa mga pasyente niini. Una ang BMC sa tibuok ospital sa Caraga nga miapil sa pagsaulog niini. Ang kalihukan usa ka global solidarity ug concerted action sa tanan nasud aron sa pag pausbaw sa paghatag bili sa kaluwasan sa mga pasyente. Hingpit ang suporta nga gihatag sa BMC ug gitipok ang mga health workers, health care leaders ug policy-makers aron mapatimbaya ang commitment ngadto na sa patient safety. Padayon ang paghatag sa mga programa ug serbisyo sa ospital pinaagi ni Mayor Ronnie Vicente Lagnada aron masiguro nga mahatod sa mga Butuanon ang igong panginahanglanon hilabi sa hisgutanan sa kaluwasan sa panlawas.