Ipahigayon karong adlawa ang World Blood Donor Day sa South Atrium Robinson’s Place Butuan subay sa temang “𝘎𝘪𝘷𝘦 𝘉𝘭𝘰𝘰𝘥, 𝘎𝘪𝘷𝘦 𝘗𝘭𝘢𝘴𝘮𝘢, 𝘚𝘩𝘢𝘳𝘦 𝘓𝘪𝘧𝘦, 𝘚𝘩𝘢𝘳𝘦 𝘖𝘧𝘵𝘦𝘯”. Magsugod kini sa alas 10:00 sa buntag hangtud alas 5:00 sa hapon. Nagtambayayong ang Philippine Red Cross - Agusan Del Norte Chapter, Department of Health-Caraga, ug Lokal nga Panggamhanan pinaagi City Health Office sa ipahigayong kalihukan. Gi-imbitahan ang tanan kwalipikado nga indibidwal nga mu donar og dugo. Ang mga indibidwal nga mag donar og dugo gikinahanglan nga anaa sa sakto nga kondisyon ang lawas, nag edad sa 16 anyos hangtud 65 anyos, nag timbang gikan sa 110 Pounds, ug pasado sa physical ug history screening. Una pa mo donar og dugo siguraduhon nga adunay sakto nga pahuway ug tulog, mo istorya kung adunay sakit sama sa ubo, hilanat, sip-on, rashes, ug open wounds; ipahibalo ang medical conditions, kung adunay sakit sa una o adunay medication nga gi inom; ipahibalo kung gikan sa foreign travel o travel within province; ipakita o isulti kung adunay tattoo o piercing; kinahanglang mokaon una pa mo donar og dugo ug likayan ang mga fatty foods; ug mo inom og daghang tubig. Pagkahuman og donate og dugo gi-engganyo ang pag inom og daghang tubig; likayan ang pag duko; likayan ang hago nga mga aktibidad sama sa pag alsa sa mga bug-at nga butang, pag excercise, ug pag operate sa mga heavy machinery; likayan nga gamiton sa bug-at nga mga aktibidad ang punctured arm; kung adunay nabantayan nga discoloration o swelling, butangan kini og cold compress sulod sa 24 oras sundan dayon og warm compress; ug kung nalipong o kasukaon, mohigda nga nakasaka gamay ang tiil, ug mag suot og luag nga sanina. Pinaagi sa pag donar og dugo mahimo kang instrumento aron maka tabang sa pag luwas sa usa ka indibidwal nga labing nanginahanglan.