Daghan ang misanong sa natigayong Mass Blood Donation atol sa World Blood Donor Day 2023 sa may South Atrium, Robinson’s Place Butuan miaging semana. Kini subay sa tema nga “Give Blood, give plasma, share life, share often”. Daghan sa mga indibiwal ang mi donar og dugo lakip mga personahe sa Philippine National Police, personahe sa mga ahensya, ug mga kliyente sa Robinson’s Place Butuan. Tuig 2005, mipagawas ang World Health Organization kon WHO og ika Fifty-Eight World Health Assembly Resolution o ang “Blood Safety: Proposal to Establish World Blood Donor Day”. Base sa resolusyon ang World Blood Donor Day ipahigayon kada Hunyo 14 matag tuig. Ang kanunay nga pag awhag sa tanan sa pag donar og dugo istratehiya aron mapataas ang ihap sa ubos nga supply sa dugo. Ang kalihukan gipangunahan sa City Health Office pinaagi sa Ampayon Health Center katambayayong ang Red Cross Philippines - Agusan Del Norte Chapter. Ang Butuan City Blood Council nga gipangulohan ni Mayor Ronnie Vicente Lagnada magpadayon nga magpahigayon og mga Mobile Blood Donation Activity ug nag awhag sa tanan nga mag donar og dugo aron mahimong instrumento sa pagtabang sa pag luwas sa usa ka indibidwal nga labing nanginahanglan.