Gipahigayon ang usa ka Women’s Summit sa Caraga State University Gymnasium miaging adlaw asa nagpamatuod sa local government’s commitment sa katungod ug alang sa kaayuhan sa mga kababayen-an pinaagi sa pakigduyog sa kalihukan. Sa gipaabot nga mensahe ni Vice Mayor Lawrence Fortun hugtanong giila niini ang dakung kontribusyon sa mga kababayen-an sa komunidad asa padayong nakigbisog sa adbokasiya sa katungod ug mga benepisyo. Ang Women Summit 2025 giduyugan sa nagkalain-laing sektor sa kababaihan sa syudad sa pagpanguna sa City Social Welfare Development Department katambayayong ang Philippine Commission on Women pinaagi ni Chairperson Ermelita Vildeavilla. Anaa sila Konsehal Cherry May Busa, City Councilor Victor Plaza, CSU President Dr. Rolyn Daguil ug ubang mga bisita nga misuporta sa gender empowerment.