Pormal nga gi-ablihan ang usa ka Exhibit sa pag obserba sa UN Global Road Safety Week nga natigayon sa Robinsons Place Butuan. Sa exhibit, gibida ang mga winning entries sa Slogan Making Contest ug ang On-The-Spot Painting Competition sa natigayong Road Safety Month Celebration adtong Mayo 7-8 sa Balanghai Hotel and Convention. Gipahugtan sa lokal nga panggamhanan sa Butuan pinaagi sa City Transportation and Traffic Management Department ang pakiglambigit sa mga kabataan kalabot sa pagpalapad sa promosyon ug adbokasiya sa road safety awareness program tungod sa pagkamamugnaon niini ug matabangang malikayan na ang road crashes o unsa mang aksidente sa kadalanan. Molungtad ang exhibit hangtud Mayo 31 ug gi-awhag ang tanan nga suportahan kini alang sa promosyon sa luwas nga pagbyahe sa publiko.