Malampuson nga gipahigayon ang duha ka adlaw nga Water Quality Monitoring sa Taguibo River, Enero 22-23. Deysi otso ka sample ang nakuha sa taga Environmental Management Bureau - Caraga sa ilang gipahigayon nga water quality monitoring. Gi-identify sa 18 ka station ang nasangpit nga aktibidad aha nakalakip niini ang Barangay Anticala, Sitio Iyao Creek, Bobon Creek, Mouth of Taguibo River, Banza River ug uban pa. Ang resulta sa sample makuha human sa tulo ka semana. Dakung tabang sa katawhan ang inisyatibo nga gibuhat sa taga EMB-Caraga kauban ang mga partner government agencies ug stakeholders para masayran ang kasamtangang sitwasyon sa watershed sa syudad.