Gipailawom sa ocular inspection sa mga validators para sa Barangay Reading Center ang walo ka barangay sa syudad kagahapon. Gilangkuban kini sa walo ka barangay sa Barangay Rajah Soliman, Golden Ribbon, Pigdaulan, Don Francisco, Maguinda, San Mateo, Dankias ug Bonbon. Sa gihimung ocular inspection adunay pipila ka mga programs ug activities ang gi-komenda sa mga validators sa Barangay Reading Center kun BRC ug duna sab silay mga rekomendasyon para sustainable ug inclusive ang BRC sa ilang mga Barangay ug residente. Ang Barangay Reading Incentive Program gipangunahan sa City Education and Development Department ug maoy unang incentive program para sa mga BRC. Karong adlawa, aduna na sab laing walo ka Barangay ang bisitahon sa validators. Human sa validation mamili na dayon sila sa Top 3 nga Barangay Reading Center.