Nakigduyog si Butuan City Vice Mayor Lawrence Fortun sa kalihukan sa Butuan City Federation of Persons with Disability nga nag selebrar sa 45th National Disability Prevention ug Rehabilitation Week nga gisalmutan sa 56 PWD gikan sa lain-laing barangay sa syudad sa Butuan. Gikan sa iyang halapad nga kasinatian isip kanhi Kongresista, gihingusgan ni Vice Mayor Fortun ang iyang dedikasyon ug commitment nga pagpadayon sa adbokasiya sa PWD pinaagi sa pagpanalipod sa katungod alang sa mas dako nga oportunidad alang sa kaugmaon sa matag usa karon nga milingkod na kini pagka Bise Mayor. Gi highlight niini ang mga inisyatibo sa pagporma og legislations ug pagpanguna sa mga programa nga nagtumong sa pagpanalipod sa kaayuhan ug interes sa mga PWD. Giawhag sab sa opisyal ang kolaborasyon sa tanan ug pakiglambigit sa tanang kalihukan sa syudad.