Midonar og mga Musical Instrument si Butuan City Vice Mayor Lawrence Fortun sa Agusan National High School sa syudad sa Butuan asa personal ug malipayong gidawat ni Dr. Dennis Roa, Principal sa ANHS-SHS. Dakung pasalamat ni Dr. Roa kang Vice Mayor Fortun tungod nasulbad ang ilang problema sa kakulangon sa mga instrumentong magamit sa mga estudyante sa Special Program for the Arts asa mipasalig nga ampingan kini aron daghan pang estudyante ang makagamit niini. Nanghinaut usab ang bise mayor nga makatabang ang mga musical instrument sa mga estudyante ilabina sa mga mahiligun sa musika nga madevelop ang tagsa-tagsang talento tungod usa kini sa gipromote ug gisuportahan sa city government sa Butuan nga makabaton og daghang Butuanon talents nga ikapasigarbo bisan pa ngadto sa laing dapit.