Naapektuhan sa sunud-sunod nga pag ulan ang mga vegetable farmer sa Barangay Nongnong ning syudad. Apan agresibo gihapon nga naningkamot aron makabawi sa financing sa tabang sa City Agriculture Office asa suportado ni Mayor Ronnie Vicente Lagnada. Usa sa apektado si Sheila Maglines. Bisan paman sa mga nasinatian wala magduha-duha si Shiela Maglines, vegetable farmer sa Barangay Nongnong nga mo suplay og kalabasa, ampalaya, lettuce ug batong tungod usa kini nga mipirma sa contract agreement sa agriboost project. “Ang akong gicommit 250 kilos nga kalabasa, 250-500 kilos paliya per week, batong 500 kilos ug lettuce. Bisan daghan challenges pero naningkamot gihapon isa pod nga challenge sa amo nga mag-uuma ang tao kay karon nanglangyaw na wala na kaayo muengage og farming then ikaduha mahal na kaayo ang mga inputs nga among gipang gamit karon pero thankful gihapon kay naa si agricultures office nakatabang kaayo sa amo og dako nga ma less ang production cost,” sumala ni Sheila Maglines. Apil sab sa pagsulay sa mga mag-uuma ang mga insekto gumikan usab sa climate change . Si Maglines isa nga nakabenipisyo sa drip irrigation, mulching, seeds, abono ug nakatuon sa bag-ong teknolohiya sa saktong pagtanum ug pag atiman sa gulay tungod usa kini sa mga migradwar sa Farmers Field School FFS sa city government sa Butuan pinaagi sa City Agriculture Office. Nagkadako ang area ni Maglines nga gikan sa isa lamang ka ektarya apan karon nahimo nang duha ka ektarya tungod nadasig kini human migradwar sa FFS. “Dako kaayo ang tabang sa FFS daghan technology nga wala ko kabalo before pero human sa FFS akong vegetable instead nga 1 hectare lang karon nag improved siya nga miabot na sa 2 hectares so na copy nako nareplicate ako gyod nagamit sa kaugalingong uma”. Dugang pamahayag ni Shiela Maglines Alang kang Maglines mas dako ang ilang kitaon karon isip vegetable farmers tungod nakasiguro nga dunay saktong presyo ug saktong buyers gumikan sa agriboost project asa hugtanung gitutukan ni Mayor Lagnada pinaagi sa City Agriculture Office.