Hinay-hinay nang nabati sa usa ka vegetable farmer ang kabag-uhan sa iyang kahimtang dihang niabot ang Agriboost Project sa lokal nga panggamhanan sa Butuan pinaagi sa City Agriculture and Veterinary Department. “Karon nga naa nay Agriboost mo-income nako kada semana og 12,000 hangtud 13,000. Sa una akong ma-income sa usa ka bulan 24,000 lang unya karon labi nag magsugod na gyod kog harvest muabot na gyod siyag 50,000,” sumala ni Susan Aparri. Ang Agriboost Project usa sa gitutukan ni Mayor Ronnie Vicente Lagnada aron matabangan ang mga mag-uuma sa tanang aspeto ug pamaagi sa panguma pinaagi sa paghatag sa technical trainings, seeds, fertilizer, materyales ug bisan ekipo. Si Susan Aparri usa lamang sa nakatagamtam sa walay pu-as nga suporta gikan sa lokal nga panggamhanan sa Butuan gani nagsugod na kini og pundar og gamit. “Sa akong mga estudyante giuna gyod nako ang celphone kay gamit man gyod sa ila unya ako pod kay nanginahanglan man kog celphone nagpalit pod kog ako kibali tulo na akong napalit. Sa akoang gamit sa balay washing machine kay kinahanglan gyod kog washing kay gikan kog uma inig abot nimo dili naka maghago og kuso.”Dugang pamahayag ni Susan Aparri. Si Susan Aparri residente sa Barangay Sumilihon ning syudad nagtanum karon og pipino, batong ug okra tungod mao kini iyang gikometar sa Agrihub Facility sa Agriboost Project nga nahimtang sa Van Terminal Langihan area asa maoy mupalit sa mga produkto sa mga vegetable farmer sa syudad sa Butuan.