Mapasalamaton sa Agriboost Project ang usa ka vegetable farmer sa barangay Bit-os ning syudad nga si Victor Carampatana. Nibisita ang mga personahe sa City Agriculture Office sa iyang area nga gitamnan na og gulay human mipailawom sa Farmers Field School ug mipasalig nga mosupply og gulay sa merkado. Dako ang pasalamat ni Carampatana nga namugna ang agriboost project sa city government sa Butuan nga usa sa gitutukan ni Mayor Ronnie Vicente Lagnada pinaagi sa City Agriculture Office asa natutukan ang mga vegetable farmers ug nahatagan sa igong suporta. Tungod sa mga gi atubang nga problema sa mga mag-uuma, gipadangat nila kini sa City Agriculture Office ug napailawom sila sa pagbansay pinaagi sa Farmers Field School. “Isa sa among yangungu ang problema sa market kay experience man nako na sa una amo na sige gihangyo nga mahatagan sa pagtagad ang market. Kini karon nagmalipayon ko kay ang city government gihatagan og focus ang farmers pinaagi sa usa ka programa nga agriboost so sa amo nga bahin ang among produkto insured na ang market dunay application nga makita kong unsa ang presyo ug tungod niini makasiguro na sa kita, mao nang nadasig ko sa pagpananum og balik” sumala ni Victor Carampatana. Sa karon, daghan nga klase sa gulay ang gi-commit ni Carampatana nga isuplay tungod nagtuo kini nga kung daghan ang i commit mas daku ang kitaon niini. “Sa semilya lang daan nay suporta ang city agriculture sa amo so dako na kaayo nang tabang kay kong magpalit tag linata mahal man kung kalabasa tresmil na kung ampalaya naa sa dos mil kapin ngadto sa tres kung mahatagan ang mag-uuma og semilya daku na kaayong tabang naa pay plastic molts para sa sagbot so dako gyod kaayo nga tabang naa suporta ana kana palang makuhaan na among expenses dako na kaayo nga tabang.” Sa tulo ka area niini, upat lamang sila ang nagtinabangay sa pag atiman niini kadlawon pa lamang anaa na kini sa area aron makita ang matag adlaw nga development sa iyang mga tanum ug masumpo gilayon ang mga insekto nga muatake niini. Nagtuo si Carampatana nga daku ang kita sa gulayan tungod sa suporta sa city government. Gani, giawhag niini ang uban nga dunay hilig sa pagtanum nga magtanum na tungod daku na kaayong pabor karon gumikan sa suporta, dunay market ug kung mananum og gulay makasigurong dunay saktong konsumo ug makasiguro usab sa nutrisyon sa pamilya. Dili sayangan ang mga bakanting lona. “Mananum gyod ta dili nato sayangan atong palibot nga nakatiwangwang sa nga mga yuta. Magtanum ta kadugayan makamao ra lagi ta naa man ang buhatan sa city agriculture nga kanunay hundred percent nga mutabang kanato,” dugang pahayag ni Victor Carampatana.