"Highly commendable ang mga literacy programs and other related programs of your Local Government. And also, the leadership is highly commendable, leadership ng ating local chief executive and ganun din sa barangay levels, highly commendable talaga.” Kini ang gipaabot nga mensahe ni Literacy Coordinating Council Head Secretariat Enrico Mendoza atol sa exit conference sa National Literacy Award para sa The Search for the Most Outstanding Highly Urbanized City Category Literacy Program Implementation sa Covered Court sa Barangay Baan Km. 3, kagahapon. Mihatag sab siya og suhestyon para mas mapalambo ug ma sustenar ang programa, sama na sa pagbuhat og sustainable plan ug uban pa. Sa duha ka adlaw nga pagbisita sa mga validators ngadto sa onse ka barangay, nakita nila mismo ang mga proyekto ug nakahinabi ang mga tao nga nag mugna sa proyekto lakip na ang mga benepisyaryo. Nagpasalamat sab si Konsehal Joseph Omar Andaya, Chairperson sa Committee on Education, Culture, Arts and Heritage, sa mga validators sa pag bisita sa syudad para tan-awon ang mga proyekto. Gipaabot sab niya nga pipila lang ni ka proyekto sa LGU kauban ang DepEd ug mga Barangay sa pag hatag solusyon sa mga isyu sa komunidad nga ang labing apektado ang katawhan. Alang kang Konsehal Cherry May Busa nga ang Literacy Program sa Butuan padayon nga gihingusgan labi pa nga hapit na mahuman ang Literacy Code nga kamulo gibuhat sa 16th Sangguniang Panlungsod. Usa lang ang Butuan City sa lima ka syudad sa tibouk nasud nga naka apil sa The Search for the Most Outstanding Highly Urbanized City Category Literacy Program Implementation sa National Literacy Awards. Gawas sa Butuan, bisitahon pa sab sa mga validators ang laing upat ka syudad sa Ormoc, Santiago, Valenzuela, ug Dagupan.