Gipangunahan sa City Health Department ang pagsaulog sa World Immunization Week nga may temang “Humanly Possible: Saving Lives through Immunization '', miaging semana. Gipahigayon ang usa ka symposium mahitungod na sa Vaccine Preventable disease sama sa polio, measles, ug pertussis. Hugtanong gikampanya sa lokal nga panggamhanan pinaagi sa CHD ang importansya sa daling akses sa immunization. Niabot sa 70 ka indibidwal nga gilangkuban sa mga Barangay Health Workers ug mga ginikanan sa mga bata sa Barangay San Vicente ang natagaan og higayon sa maong symposium. Nahimong speaker sa symposium si Dr. May Glor Demegillo Buñol, DPPS, DPIDSP nga aktibong mihatag sa iyang kahibalo kalabot na sa hisgutanan. Tumong sa kalihukan nga mapa usbaw ang collective action nga kinahanglan aron ma protektahan ang mga bata sa mga vaccine-preventable diseases. Pinaagi sa pagsaulog sa World Immunization Week daghan nga mga bata ug katawhan sa komunidad ang ma protektahan sa vaccine-preventable diseases.