Nakabaton sa 8 classroom, 2 storey building ang Ampayon Central Elementary School pinaagi sa donasyon sa Security Bank Foundation Inc. Gani, gitimbaya sa lokal nga panggamhanan sa Butuan pinaagi ni Mayor Ronnie Vicente Lagnada ug Congressman Jose Aquino II nga girepresentahan ni City Councilor Cromwell Nortega ang mga kadagkuan sa DepEd Butuan gumikan sa bag-ong proyekto nga nakab ot sa Ampayon Central Elementary School. Sa Groundbreaking ceremony gipaabot usab sa Ampayon Central Elementary School ang dakong pasalamat sa tanan nga nagpaluyo sa proyekto nga sila ang nahimong benipisyaryo tungod usa kini sa gikinahanglan sa tulunghaan gumikan sa nagkadaghan nga enrollees. Kahinumduman nga usa ang lokal nga panggamhanan sa Butuan pinaagi ni Mayor Ronnie Vicente Lagnada nga mipirma sa Memorandum of Agreement isip partner sa proyekto nga mamahimong malampuson ang pagpatuman niini alang sa mga kabataan nga makabaton og komportableng tunghaan uban sa SBFI ug ubang partners ug stakeholders.