Giturn over sa mga personahe sa City Social Welfare and Development Office ang usa ka owl ngadto na sa Department of Environment and Natural Resources kun DENR kagahapon. Sumala sa taga CSWD, nitugpa lang sa sakyanan ang owl ug natumba og kalit. Duna kini samad sa iyang tiil ug nag luya sab. Angayan lamang nga maturn over ang owl sa DENR aron kahatagan sa insaktong atensyon. Gi-awhag sa lokal nga panggamhanan sa Butuan sa pagpanguna ni Mayor Ronnie Vicente Lagnada nga kung dunay makitang mga hayop labina kung endangered, daling ireport sa otoridad aron mahatagan sa proteksyon.