Gi-turn over sa Public Assistance and Complaint Desk sa City Hall sa pagpanguna ni Michelle Guiritan ang nakitang kwarta sa usa ka kliyente kaganinang buntag. Sa impormasyon nga nadawat sa Butuan City Public Information Office, nakit-an sa usa ka Rona Cleocen Rosales sa Office of the Building Official ang kwartang nagkantidad sa 500 pesos sa may hagdanan sa city hall. Dayon niya kining giturn over sa Public Assistance and Complaint Desk. Ang kwarta gipanag-iyahan ni Ira Funda nga nag proseso sa iyang mga rekisitos sa pagpanarbaho. Sa pagkawala sa iyang kwarta, iya dayon kining gipangita ug gireport ngadto na sa Civil Security Division. Mapasalamaton si Funda sa pag uli sa iyang kwarta. Gidayeg sa lokal nga panggamhanan sa Butuan ang maayong buhat sa empleyado ug gipanghinaut nga mahimu kining ehemplo sa uban.