Gipasidunggan sa lokal nga panggamhanan sa Butuan ang usa ka 100-anyos nga residente sa Barangay Villa kananga ning syudad nga si Lola Juanita Villanueva. Gihatagan siya sa lokal nga panggamhanan og Certificate isip Centenarian Award ug 50,000 pesos nga cash gift ilawom sa SP Ordinance No. 5451-2017 or An Ordinance Amending SP Ordinance No. 4757-2015 or “An Ordinance Establishing the Centenarian Award to Qualified Citizens in the City of Butuan and Providing Benefits and Funds thereof”. Ang programa naghatag og pasidungog ug pasalamat sa mga senior citizens nga nakaabot sa 100 years old ang edad nga nahimung inspirasyon sa katawhan. Usa sab kini ka paagi sa pag-ila sa kamahingdanon ug kontribusyon sa mga senior citizen sa komunidad. Nagpasalamat ang pamilya ni Lola Juanita sa suporta sa LGU ug sa konseho sa barangay. Si Lola Juanita nag 100 years old niadong Marso 29, 2025. Ang kalihukan gipangunahan sa lokal nga nanggamhanan sa Butuan pinaagi sa City Social Welfare and Development Department ug Office for the Senior Citizen Affairs. Ang awarding gitambungan nila Konsehal Victor Plaza, Konsehal Ferdinand Nalcot, ug Konsehal Cromwell Nortega.