Misalmot sa gipahigayong Art Fashion Business Art Fair sa Paris, France ang 37 anyos nga si May Tabalon Cornelissen, miaging bulan. Usa lang siya sa 25 ka Filipina Artists sa tibouk kalibutan nga nisalmot sa Art Fashion Business Art Fair nga dunay temang "La Mode En Moi" nga nagpasabot, The Fashion in me. Gipakita ni Cornelissen sa iyang obra nga "Armoured" ang usa ka babae, nga dunay gikuptan nga espada ug armor. Gihulagway ni Cornelissen nga ang usa ka babae isog, dunay intelektwal ug andam mo atubang og bisan unsa nga hagit sa kinabuhi. Samtang sa likod nga bahin makita ang Balangay Boat nga ginagamit sa unang panahon sa mga Butuanon sa pag trade og goods and spices sa Agusan River. Dala ni Cornelissen pinaagi sa iyang mga obra ang origin sa Butuan lakip sa pag empower sa mga kababainhan. Si May Tabalon Cornelissen, taga Barangay Ampayon ning syudad ug sugod tuig 2015 naka base na siya sa Belgium.