Giharvest sa mga personahe sa City Library ang mga gulay gikan sa ilang Urban Gardening Learning Sites adlawng Biyernes. Makita sa Urban Gardening Learning Sites ang klase-klaseng gulay sama sa talong, kalabasa, kamatis, tanglad, onion leaves, pipino, radish, okra ug uban pa. Gi-apply pod sa urban gardening ang mga pamaagi sa pagtanom aron daghan nga mga gulay ang ma cater. Usa sa gigamit nila nga paagi ang vertical gardening asa dunay mga nakabitay nga container nga naay sulod nga tanom nga gulay. Aron mas mapadali ang pag-ila sa mga gulay adunay QR Code nga nakabutang sa kilid. Isa lang ka scan makita na nimo kung unsa kini nga gulay lakip na ang mga benepisyo niini sa panlawas. Gimugna ang Learning Site sa katuyuan nga makita mismo sa mga mobisita sa City Library ang mga gulay lakip na nga ma engganyo sa pag tanom sa ilang panimalay. Katambayayong sa City Library sa gihimung learning site ang City Agriculture Office, Agricultural Training Institute, PNP Butuan, ug mga kabatan-onan. Abli ang urban gardening learning site alang sa mga buot motuon niini. Mamahimung mobisita lamang sa Butuan City Library.