Nagpadayon ang pagpatuman sa Urban Drainage Project sa dakbayan sa Butuan sa paningkamot ni Butuan City Mayor Ronnie Vicente Lagnada pinaagi sa City Engineering Department sa lokal nga panggamhanan sa Butuan katambayayong ang Department of Public Works and Highways. Gihingusgan ni Mayor Lagnada ang pagpatuman sa proyekto kauban ang regional agencies aron makabaton ang syudad sa limpyo ug hapsay nga kadalanan ug dili na masinati ang pagbaha sa kadalanan labi na kung sunod-sunod ang pagbundak sa kusog nga ulan. Sa karon kamulo na ang konstruksyon sa proyekto sa may North Montilla Boulevard ning syudad asa makita nga ang mga kanhing kanal nga abli ug hugaw lantawon, hinay hinay nang nasirado.