Aprobado na ang Urban Design Code sa Butuan City atol sa 10th Sangguniang Panlungsod Session, adlawng Martes. Kini sa panaghiusa sa tibook pwersa sa miyembro sa Sangguniang Panlungsod sa pagpanguna ni Butuan City Vice Mayor Lawrence Fortun. Nahimong strikto ang proseso niini asa miagi og sunod-sunod nga committee hearings ug public consultations. Mismong si City Councilor Reynante Desiata ang nangamahan niini isip Chairperson sa Committee on Urban Planning ug Infrastructure nga nagtinguhang maka establesar og komprehensibong framework alang sa malungtaron ug inklusibong urban development. Ang Urban Design Code usa sa RACE 16:16 strategic initiatives sa 16th SP pinaagi ni Butuan City Vice Mayor Fortun nga magpanday og mga balaod o 16 codes sa katuyuan sa pagpalapad ug commitment sa good governance ug urban planning sa dakbayan sa Butuan.