Nagsilbing friendly match tali sa UP Fighting Maroons ug NU Bulldogs ang natigayong Balangay Festival 2025 Invitational Basketball Game nga gipahigayon sa Father Saturnino Urios University Gym, Mayo 18. Nanguna sa Ceremonial Toss sila Mayor Ronnie Vicente Lagnada ug Vice Mayor Lawrence Fortun uban sa suporta ni Congressman Jose Aquino ll ug Sangguniang Panlungsod members. Nabibo ang FSUU Gym tungod sa hugyaw sa mga fans sa duha ka team. Sa last quarter niabot sa 12 points ang labaw sa UP Fighting Maroons sa score nga 85 points ug 73 points sa NU Bulldogs. Samtang nahimo sab nga special ang event tungod sa presensya ni hometown hero ug UAAP Season 87 Finals MVP ug reigning 2024–25 KBL Rookie of the Year JD Cagulangan. Ang kalihukan gipangunahan sa lokal nga panggamhanan sa Butuan pinaagi sa City Education Development Department.