Naghatag og lingaw ang UP Diliman Kontemporaryong Gamelan Pilipino kun Kontra-Gapi sa City hall Lobby pinaagi sa ilang public concert. Mipasundayag sila og sayaw ug pagtugtog sa mga instrumento. Gidayeg sa mga nanan aw ang performance sa Kontra-Gapi. Sa gipaabot nga mensahe ni Konsehal Reynante Desiata mapasalamaton siya tungod nibisita ang Kontra-Gapi sa syudad. Daku sab kini og tabang sa kultura sa Butuan labi pa nga dunay mga IP Community nga namuyo sa syudad. Ang Kontra-Gapi usa ka resident Ethnic Music and Dance Ensemble sa College of Arts and Letters sa University of the Philippines-Diliman. Gawas sa Pilipinas, naka perform na sab ang Kontra-Gapi sa gawas sa nasud nga nagpakita ug nagpromote sa artistic excellence ug diverse cultures sa nasud pinaagi sa distinctive mix sa music, dance ug mime.