Gipangunahan sa Department of Social Welfare and Develoment Department - Caraga kauban ang City Social Welfare and Development Department kon CSWDD ang usa ka Ceremonial Check Turn-over ug awarding sa CSO Accreditation Certificates sa upat ka asosasyon sa Sustainable Livelihood Program kon SLP sa syudad, kagahapong adlawa. Gidawat sa upat ka asosasyon sa SLP ang tag 600,000 pesos. Ang mga asosasyon sa SLP gilangkuban sa Banza Bag-ong Paglaum Sustainable Livelihood Program Association, Bonbon Makugihon Sustainable Livelihood Program Association, Los Angeles Sustainable Livelihood Program Association, ug Sidlak Sustainable Livelihood Program Association. Ang kada asosasyon adunay 30 ka benepisyaryo ug sila usab tanan mga 4Ps beneficiaries. Nagpamatuod kini sa epektibo ug transparent nga pag implementar sa Sustainable Livelihood Program. Usa kini ka importante nga mekanismo aron mahatag ang financial resources ngadto na sa mga SLP Associations sa syudad. Ang SLP usa ka paagi aron mapalambo ang socio-economic nga kondisyon sa mga benepisyaryo ug lakip na pag akses ug acquire sa tukmang assets alang sa kahibalo ug pag mintina sa padayon nga panginabuhian.