Nahugyaw ang tibook North Atrium sa Robinsons Place Butuan sa mga syagit sa kalipay sa mga higala, classmates, pamilya ug ubang bisita sa mga performers sa Kasambay Hong Butuan Theatrical Musical Groups kagahapon. Unom ka tunghaan ang nagtigi sa musical theater groups nga gilangkuban sa Libertad National High School, Los Angeles National High School, Saint Joseph Institute of Technology Senior High, Butuan City School of Arts and Trade, Agusan National High School ug Timber City Academy. Tungod Home of the Balangay ang Butuan, gipakita sa theatrical musical groups ang kamahinungdanon sa kasaysayan ug kultura sa Butuan nga nagsugod sa balangay. Tinguha sa kalihukan nga mapromote ang local talents ug creatives sa dakbayan pinaagi sa pagpakita sa talento sa creatives ug storytelling. Ang kalihukan kabahin sa Lunsod Lunsad Balangay Independent Film and Theater Festival sa partnership sa LGU Butuan, DTI Caraga, ICT Caraga ug Film Development Council of the Philippines sa tinguha nga mapromote ang creatives ug local talents sa dakbayan sa Butuan ug ubang dapit sa rehiyon.