Pormal nga gitunol sa Ayala Foundation ang dugang nga seed funds alang sa unom ka grupo sa Leadership Community 3 kun LEADCOM 3, sa Cityhall Lobby, Nobyembre 20, 2024. Mismong si Ayala Foundation Mindanao Operation Senior Manager Garrett Nolasco ang mitunol sa dugang Seed Fund sa unom ka grupo. Ang Team Agripreneur Urios ug Team Taguibo nakadawat og dugang tag 15,000 pesos, ang Team Sponti ug Team GROW nakadawat og tag 20,000 pesos ug ang Team Lambo ug Team Cheaper AF nakadawat og tag 25,000 pesos. Ang dugang Seed Fund maghatag pa nila og dugang suporta pinansyal para mapanindot pa ilang proyekto ug molungtad pa kini sa kadugayon para daghan sa katawhan ang makabenipisyo niini. Gipili ang paghatag og dugang seed fund base sa ilang nakita nga improvement sa matag grupo sa ilang presentasyon ug sa site visit. Sumala sa mensahe ni Garrett Nolasco nga kada tuig sa pag presenta sa mga LEADCOM, nagkataas ang standard sa mga proyekto ug nagka nindot kini. nga iproduce sa kabataang Butuanon. Nagpaabot sab og pasalamat si Nolasco sa lokal nga panggamhanan sa Butuan sa pagsuporta sa LEADCOM asa niabot na kini og tulo ka tuig. Gawas sa Seed Fund, nakadawat sab og Certificate of Completion ang unom ka grupo.